شوٹنگ کے دوران ہیرو بائیک نہ سنبھال پایا، ہیروئن نے چھلانگ لگاکر جان بچائی

اداکاروں کی ویڈیو سوشل میڈیا پر وائرل ہوگئی ہے جس پر سوشل میڈیا صارفین کی جانب سے بھی دلچسپ تبصرے کیے جارہے ہیں

ویب ڈیسک: پاکستان کے معروف اداکار عدیل چوہدری اور سحر خان شوٹنگ کے دوران حادثے سے بال بال بچ گئے۔

انسٹاگرام پر اداکار عدیل چوہدری کی جانب سے حال ہی میں ڈرامے کے سیٹ پر بنائی گئی ایک ویڈیو شیئر کی گئی ہے جس میں عدیل چوہدری کے ہمراہ اداکارہ سحر خان کو بھی دیکھا جاسکتا ہے۔

واقعہ دراصل اداکاروں کے آنے والے ڈرامہ سیریل کی شوٹنگ کے دوران پیش آیا، ویڈیو میں دیکھاجاسکتا ہے کہ اداکار عدیل چوہدری کسی گھر کے باہر بائیک پر بیٹھے سحر خان کے منتظر ہیں، بعد ازاں سحر خان کو بھی عدیل چوہدری کی بائیک پر بیٹھتے دیکھاجاسکتا ہے لیکن اداکارہ کے بائیک پر بیٹھتے ہی عدیل چوہدری جب بائیک کو اسٹارٹ کرتے ہیں تو بائیک ان کے کنٹرول سے باہر ہوکر دیوار میں جالگتی ہے۔

ویڈیو میں دیکھا جاسکتا ہے کہ بائیک کا کنٹرول کھوتے ہی اداکارہ سحر خان نے چلتی بائیک سے چھلانگ لگادی۔

اداکاروں کی ویڈیو سوشل میڈیا پر وائرل ہوگئی ہے جس پر سوشل میڈیا صارفین کی جانب سے بھی دلچسپ تبصرے کیے جارہے ہیں۔

مزید خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button